20 August 2010

يا مسهرني .. أم كلثوم

ماخطرتش على بالك يوم تسأل عنى
وعنيه مجافيها النوم يا مسهرنى
دانا قلبى بيسألنى إيه غير أحواله
ويقول لى بقى يعنى ما خطرتش على باله
أمال غلاوة حبك فين وفين حنان قلبه عليّ
وفين حلاوة قربك فين فين الوداد والحنيه
يا ناسينى وإنت على بالى وخيالك ما يفارق عينى
ريحنى واعطف على حالي وارحمني من كتر ظنونى
لا عيني بيهواها النوم ولا باخطر على بالك يوم
تسأل عنى يامسهرنى

إسأل عن اللى يقضى الليل بين الأمل وبين الذكرى
ويصبر القلب المشغول ويقول له نتقابل بكره
وبكره يفوت وبعده يفوت ولا كلمة ولا مرسال
وهو العمر فيه كام يوم وأنا بعدك على طال
ياناسينى

يامسهر النوم فى عينيّ سهرت أفكارى واياك
الصبر ده مش بايديّ والشوق واخدنى لبحر هواك
أقول لروحى وأنا ذنبى إيه يقول لى قلبى حلمك عليه
مصيره بكره يعطف علينا ونبقى نعرف هجرنا ليه
ياناسينى

تعالى خلى نسيم الليل على جناح الشوق يسرى
الهجر طال والصبر قليل والعمر ايامه بتجرى

طالت الايام
تعالى لى قوام
دانا عندى كلام بدى اقوله لك
دانا عندى كلام
وفى قلبى غرام
وفى قلبى غرام أوصفهولك
ونعيش أيام ولا فى الاحلام
ياناسينى


---------
غناء الرائعة أم كلثوم

اضغط هنا لتحميل الأغنية


كلام الليل


ياللى جاى تدينا صوتك
اطمن اكيد
بكرة هتعرف قيمة صوتك
لما الخير هيزيد

الحزب الوطنى فى مصلحتك
والمستقبل ليك
كل شباب مصر هيشتغلوا
وبكرة تشوف بعنيك

انتج صدر ابني و كبر
خضر أراضيك
مليون فدان ألف مصنع
عايزين بس ايديك

الحزب الوطنى مسهلك
فرصك فى الاسكان
نص مليون مسكن
ملكك و انت
بقيت في أمان

الحزب الوطنى حرية
قول رايك بأمان
و أنت مواطن حر ف بلدك
و لصوتك مكان

الحزب الوطنى فى مصلحتك
والمستقبل ليك
كل شباب مصر هيشتغلوا
وبكرة تشوف بعنيك

ياللى جاى تدينا صوتك
اطمن اكيد
بكرة هتعرف قيمة صوتك
لما الخير هيزيد
============

لتحميل الأغنية اضغط هنا



جاني جواب

انا جاني جواب من أمي
و فيه الكلمتين
كتبتلي ف يوم فرحانة
أنا جاية بعد يومين

أنا زرت بيت الله
و عملت فرض الله
و هناك أنا دعيتلك
ربنا يديك و يسلمك
و يطعمك ما يحرملك
و دعوتي تعيشلك

أنا عايزة أول ما أوصل
اشوفك و ألقيك واقفلي
و أخدك ف حضني
و أحس الشوق ف عنيك وصلي

و سلامي لكل حبايبنا
من العزيزة الغالية أمك ..

و رحت فرحان ع المينا
مستني أنا أي سفينة
وقفت مشتاق للقاها
على بيتنا علقت الزينة

عمال أفكر أقولها أية
وحشاني يا أما كتير كده ليه
ياما نفسي أشوفك قدام عيني
و أجري لحضنك و اترمي فيه

فضلت واقف مستني
و الفرحة طايرة يا ناس مني
و الوقت عمال بيعدي
و شوقي زاد غصبن عني

و بعد حبة بقيت مشغول
حسيت بجد فيه شىء مجهول
و لما رحت أسأل عنها
قالولي مركبها على وصول

لمحت ناس كده قلقانة
بيقولوا فيه سفينة غرقانة
جريت معاهم و أنا خايف
و عيوني بدموعي مليانة

الخوف بجد مسك فيا
جايبين ضحية ورا ضحية
و شفت أمي قصاد عيني
و هي طالعة م المية

وقعت من طولي ساعتها
و هما بيغمضوا عينها
كأني روحي بيخدوها
و لقيتني عمال أدعيلها

ع الجنة يا أما يا حبيبة
يا حنينة و كلك طيبة
الدنيا ضاقت ف عنيا
من بعدك انت يا أميرة

*****

اضغط هنا لتحميل الأغنية


16 August 2010

07 August 2010