05 September 2010

انا و انت ظلمنا الحب


انا وانت ظلمنا الحب بايدينا
وجينا عليه وجرحناه
لحد ما داب حوالينا
ما حدش منا كان عايز
يكون ارحم من التاني
ولا يضحي عن التاني
وضاع الحب ما بين عند قلب وقلب
ضاع الحب ودلوقت لا انا بنساه
ولا بتنساه ولا بنلقاه
انا وانت

انا وانت اللي كنا زمان
احب اتنين واحن تنين
وكان اكبر خصام بينا
يا دوب في يومين
خصامنا ليه النوبه دي زاد
وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودلوقتى لانا بنساه ولا بتنساه ولا بنلقاه
انا وانت

انا وانت ظلمنا الحب بالغيره
وجبنا للظنون سيره
وقطعنا الامل مرات ما بين الشك والحيره
وكان الحب بينّا كبير
صغر لما ابتدينا نغير
وبردت نار وقادت نار
وبرضه مشينا في التيار
 انا وانت

انا وانت نسينا نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا يفوت
اصعب من امبارح
نسينا رقه العاشقين
قسينا واحنا مش داريين
نسينا ازاي كده نسينا
وايه ده اللي جرى لينا
انا وانت

==========
غناء: أم كلثوم
كلمات: عبدالوهاب محمد
الحان: بليغ حمدي

اضغط هنا التحميل الأغنية

02 September 2010

حيرت قلبي معاك


حيرت قلبي معاك.. وأنا بداري واخبي
قل لي أعمل إيه وياك.. ولا أعمل إيه ويا قلبي
بدي اشكي لك من نار حبي.. بدي احكي لك ع اللي في قلبي
وأقولك ع اللي سهرني.. وأقولك ع اللي بكاني
وأصور لك ضنى روحي.. وعزة نفسي منعاني

يا قاسي بص في عيني.. وشوف إيه أنكتب فيها
دي نظرة شوق وحنيه .. ودي دمعة بداريها
وده خيال بيين الأجفان.. فضل معاي الليل كله
سهرني بين فكر وأشجان.. وفات لي جوه العين ظله
وبين شوقي وحرماني.. وحيرتي ويا كتماني

بدي اشكي لك من نار حبي
بدي احكي لك ع اللي في قلبي
وأقول لك على اللي سهرني.. وأقول لك ع اللي بكاني
وصور لك ضنى روحي ..وعزة نفسي منعاني

ياما ليالي أنا وخيالي ، أفضل أصبر روحي بكلمة يوم قلتها لي
وبات أفكر .. في اللي جرى لك.... واللي جرى لي
وأقول ماشافشي الحيرة.. على لما با سلم
ولاشافش يوم الشوق.. في عيني راح يتكلم

وارجع أسامحك تاني .. واحن لك والقاني
بدي اشكي لك من نار حبي
بدي احكي لك ع اللي في قلبي
وأقول لك ع اللي سهرني.. وأقول لك ع اللي بكاني
وأصور لك ضنى روحي.. وعزة نفسي ما نعاني

خاصمتك بيني وبين روحي.. وصالحتك وخاصمتك تاني
وأقول أ بعد يصعب علي روحي.. تطاوعني ليزيد حرماني
ح أفضل أحبك من غير ما أقولك..إيه اللي حير أفكاري
لحد قلبك ما يوم يدلك.. على هواي المداري

ولما يرحمني قلبك .. ويبان لعيني هواك
وتنادي ع اللي انشغل بك.. وروحي تسمع نداك
بدي اشكي لك من نار حبي
بدي احكي لك ع اللي في قلبي
وأقول ع اللي سهرني.. وأقول لك ع اللي بكاني
وأقول يا قلبي ليه تخبي ..وليه يا نفس منعاني

*****
غناء .. أم كلثوم


اضغط هنا لتحميل الأغنية

هو الحب لعبة ؟؟

بتخاصمني حبه وتصالحني حبه
كل شوية تغضب .. كده من غير مناسبة
اهدى يا حبيبي اهدى .. اهدى يا حبيبي
أيه ده يا حبيبي أيه ده .. أيه ده يا حبيبي
هوه الحب لعبة .. ولا الحبه لعبة
بتخاصمني حبه وتصالحني حبه

***

لما حبينا وحسينا بوجودنا
قولتلي يومها النهاردة احنا اتولدنا
والسنه الجايه دي اول عيد ميلادنا

لسه يادوبك ما كملناش سنة
واتخاصمنا وانت الغلطان مش انا
خايفه بكره الحب يهرب مننا
يهرب من عذابنا .. ويضيع من قلوبنا
والاسيه صعبة

اهدى يا حبيبي اهدى .. اهدى يا حبيبي
أيه ده يا حبيبي أيه ده .. أيه ده يا حبيبي
هوه الحب لعبة .. ولا الحبه لعبة
بتخاصمني حبه وتصالحني حبه

***

لما بتخاصمني روحي بتخاصمني
وألقى نفسي تايهة والدنيا تايهة مني
وتيجي تاني تصالحني تاخدني لدنيتي الحلوة
تهنيني تفرحني تريحني من القسوة

من هنا تصالح وتغضب من هنا
وتخاصمني وانت الغلطان مش انا
خايفه بكره الحب يهرب مننا
يهرب من عذابنا .. ويضيع من قلوبنا
والاسيه صعبة

اهدى يا حبيبي اهدى .. اهدى يا حبيبي
أيه ده يا حبيبي أيه ده .. أيه ده يا حبيبي
هوه الحب لعبة .. ولا الحبه لعبة
بتخاصمني حبه وتصالحني حبه

***

يا حبيبي لما تغضب مني قول
وانا اصالحك في ساعتها على طول
قبل ما يفرح عدو .. ويشمت عزول

وانا جنبك بعد فرقتنا ليالي
عايشه في احساس غريب ما اعرفش مالي
تايهة .. خايفة .. يجري تاني اللي جرالي ليالي

خايفة لتصالح وتغضب من هنا
وتخاصمني وانت الغلطان مش انا
خايفه بكرة الحب يهرب مننا
يرجع تاني جرحي .. وماتهناش بفرحي
وبعدك عني غربة

اهدى يا حبيبي اهدى .. اهدى يا حبيبي
أيه ده يا حبيبي أيه ده .. أيه ده يا حبيبي
هوه الحب لعبة .. ولا الحبه لعبة
بتخاصمني حبه وتصالحني حبه
------------------------
غناء المطربة المغربية الرائعة .. عزيزة جلال

اضغط هنا لتحميل الأغنية


ليلة البرقوق


ياطير ياطاير ومقرب على الميه
انا طير وانت طاير ومقرب عليه

وشافيفى حب البرقوق
دوقنى ياحبيبى ودوق
تسقينى واقولك تانى
ولا تشبع من بحر حنانى

ولا نشبع سوا من البرقوق

ياطير ياطاير ومقرب على الميه
انا طير وانت طاير ومقرب عليه

وانا وانت على وش الميه
افرشلك شعرى بحنيه
واغنى وترد عليه
ويرد القمر السهران

الليلة الليلة ليلة البرقوق

ياطير ياطاير ومقرب على الميه
انا طير وانت طاير ومقرب عليه
---------------
غناء .. نهال نبيل
من فيلم .. صياد اليمام

اضغط هنا لتحميل الأغنية

بالورقة و القلم


بالورقة والقلم
خدتينى 100 ألم
انا شفت فيكى مرمطة
وعرفت مين اللى اتظلم

ليه اللى جايلك اجنبى
عارفة عليه تطبطبى
وتركبى الوش الخشب
وعلى اللى منك تقلبى

عارفة سواد العسل
اهو ده اللى حالك ليه وصل
ازاى قوليلى مكملة
وكل ده فيكى حصل

يا بلد معاندة نفسها
يا كل حاجة وعكسها
انسيني انا صبرى انتهى
و مش هشوف فيكى امل

---------------
غناء .. ريهام عبد الحكيم
من فيلم العسل الإسود

اضغط هنا لتحميل الأغنية

ضحكة صغيرة

لو كان نصيبك
كل ما تلمس قلب
يموتك
قول يا رب

يا رب

يا رب قلبي
اللي بين صوابعك
بتقلبه كيف ما تشاء

يا رب نفسه
في ضحكة صغيرة
و بعدين يموت
------------
غناء .. محمد محسن

اضغط هنا لتحميل الأغنية


يا فؤادي .. الأطلال


يا فؤادي لا تسل أين الهوى كان صرحا من خيال فهوى
اسقني واشرب على أطلاله واروى عني طالما الدمع روى
كيف ذاك الحب أمسى خبرا وحديثا من أحاديث الجوى

لست أنساك وقد أغريتني بفم عذب المنادة رقيق
ويد تمد نحوي كيد من خلال الموج مدت لغريق
وبريق يظمأ الساري له أين في عينيك ذياك البريق

ياحبيبا زرت يوما أيكه طائر الشوق يغنى ألمي
لك إبطاء المذل المنعم وتجني القادر المحتكم
و حنيني لك يكوي أضلعي والتواني جمرات في دمي


أعطني حريتي أطلق يديا إنني أعطيتك ما استبقيت شيئا
آه من قيدك أدمى معصمي لما أبقيه وما أبقى عليا
ما احتفاظي بعهود لم تصنها وإلام الأسر والدنيا لديا

أين من عيني حبيب ساحر فيه عز وجلال وحياء
واثق الخطوة يمشي ملكا ظالم الحسن شهي الكبرياء
عبق السحر كأنفاس الربى ساهم الطرف كأحلام المساء

أين مني مجلس أنت به فتنتة تمت سناء وسنى
وأنا حب و قلب هائم وفراش حائر منك دنا
ومن الشوق رسول بيننا ونديم قدم الكاس لنا

هل رأى الحب سكارى مثلنا كم بنينا من خيال حولنا
ومشينا في طريق مقمر تثب الفرحة فبه قلبنا
وضحكنا ضحك طفلين معا وعدونا فسبقنا ظلنا

وانتبهنا بعد ما زال الرحيق وأفقنا ليتنا لانفيق
يقظة طاحت بأحلام الكرى وتولى الليل والليل صديق
وإذا النور نذير طالع وإذا الفجر مطال كالحريق
وإذا الدنيا كما نعرفها وإذ ا الأحباب كل في طريق

أيها الساهر تغفو تذكر العهد وتصحو
وإذا ما إلتأم جرح جد بالتذكار جرح
فتعلم كيف تنسى وتعلم كيف تمحو

يا حبيبي كل شيء بقضاء
ما بأيدينا خلقنا تعساء
ربما تجمعنا أقدارنا ذات يوم بعدما عز اللقاء
فإذا انكر خل خله وتلاقينا لقاء الغرباء
ومضى كل إلى غايته
لاتقل شئنا فإن الحظ شاء !!

**********
كلمات الشاعر : ابراهيم ناجي
غناء الرائعة : أم كلثوم

عايشين فى حرية

دى لا باظت ولا خربت
ولا جابت جاز لا مؤاخذة
دى عيشة ظريفة جداً
ولا بيوتنا انخربت
ولا حد بيشتكي لحظة
ماشية والأشية معدن

عايشين فى حرية زمن القيود اختفى
اتحدى لو واحد يوم انضرب بالقفه
والناس بتختشي ولا حد بيرتشي
الله على الحياة بقى لونها شفتشي

دة احنا لا صوتنا اتنبح
ولا فى مالطة بندن

دى لاباظت ولا خربت
ولا جابت جاز لامؤاخذة
دى عيشة ظريفة جداً
ولا بيوتنا انخربت
ولا حد بيشتكي لحظة
ماشية والأشية معدن

متأمنين من الفقر الدنق
تعليم علاج وحساب فى البنك
شقق مرمية والشغل فى كل حتة
واللحمة بسبعة جنية
وساعات نلاقيها بستة

و الكل منتعش و الكل منتشي
الله على الحياة بقى لونها شفتشي
دة احنا لا صوتنا اتنبح
ولا فى مالطة بندن

دى لاباظت ولا خربت
ولا جابت جاز لامؤاخذة
دى عيشة ظريفة جداً
ولا بيوتنا انخربت
ولا حد بيشتكي لحظة
ماشية والأشية معدن

--------------
غناء .. مدحت صالح

دونلود الأغنية من هنا








قلبك حنين يا نبي

قلبك حنين يا نبى ومفيش حنان على كوكبى
الشمس طلعت فى الغروب لما بتزعل على الصبى
قال للنبى انا مش سعيد عصفورى مات وكان وليف
صلى علشانه ركعتين و فى كل عين دمعه شهيد

من الحب ليه تسغربوا من الحقيقه بتهربوا
سيدنا النبى فى بيت الصبى وكل ليله بيعلبوا
نبع الفرح فاض من عينه لما النبى طبطب عليه
وبرحمته وحنيته صفين ملايكه بين ايديه
البحر تملاه الدموع وندا المحبه ع الفروع

يارسوال حنان اخر زمن تبكى الصحابا من الخشوع
للحب ناسه الطيبين ومهما بعدوا قريبن
من غير ميعاد رب العباد يندهلهم قلب الحزين

من الحب ليه بتسغربوا من الحقيقه بتهربوا
سيدنا النبى فى بيت الصبى وكل ليله بيعلبوا
نبع الفرح فاض من عينه لما النبى طبطب عليه
وبرحمته وحنيته صفين ملايكه بين ايديه
يا يارب العالمين

=====
غناء .. وائل جسار

اضغط هنا لتحميل الأغنية

القصة الحقيقية التي اقتبست منها الأغنية

كان عند أنس رضي الله عنه أخ صغير، يحبه كثيراً.
وكان عند هذا الصبي الصغير عصفور صغير، يحبه ويداعبه ولا يكاد يتركه ساعة واحدة. وكان رسول الله صلى الله عليه وسلم كلما جاء إلى بيت أنس يسأل عن هذا الصبي الصغير، وقد كنّاه رسول الله صلى الله عليه وسلم أي سمّاه بأبي عمير.

وكان رسول الله صلى الله عليه وسلم يداعبه بقوله:
" يا أبا عمير ما فعل النغير"؟

والنغير هو هذا العصفور الصغير الذي كان يلعب به الصبي.

وفي أحد الأيام جاء رسول الله صلى الله عليه وسلم إلى بيت أنس وسأل كعادته عن الصبي الصغير. فأجابه أنس رضي الله عنه، أن عصفور أبي عمير قد مات، وأن أبا عمير - ذلك الطفل الصغير - حزين جداً لموت العصفور. أقبل رسول الله صلى الله عليه وسلم مسرعاً إلى الصبي الصغير، وأخذ يواسيه ويخفف عنه حزنه. تبسم الصبي الصغير وفرح لكلام رسول الله صلى الله عليه وسلم.

ونسي حزنه على عصفوره الصغير، لما سمع من كلام جميل من حبيبه رسول الله صلى الله عليه وسلم. ثم حان وقت الصلاة، فقام أنس وكنس الأرض، وفرش البساط. وقف رسول الله صلى الله عليه وسلم ليصلي جماعة مع أهل بيت أنس.

وقف أنس وأهله وأخوه الصغير أبو عمير خلف رسول الله صلى الله عليه وسلم، وصلوا معه جماعة، والفرحة تغمر قلب أبي عمير ذلك القلب الصغير، الذي يحمل حباً كبيراً لرسول الله صلى الله عليه وسلم.


كل ما أفتكر


تحمل الأغنية معاني كثيرة للكراهية و الانتقام و هذا لا يحمله قلبي تجاه أي شخص أخر .. كل ما أعجبني بهذه الأغنية هي الحالة و الموقف حيث اللقاء الجامع بين من كانوا حبيبين سابقاً و انتهى الحب بينهم بشكل مؤلم لأحد الطرفين .. أسواء أنواع النهايات حين يتحول الحب إلى عداء .. شيء مؤلم فعلاً .

--------------------------------------------

كل ما افتكر ان انا وانت كنا حبايب نارى تايد
ولا دموع تنزل من عينى وغصبن عنى جراحى تزيد
اوعى تفكر انى هسيبك ترتاح لحظه وقلبى حزين
اوعى تفكر انى حبيبك وان مبينا شوق وحنين
لسة العمر طويل ادامنا لسة انا وانت روحين عايشين

وهنتقابل وهنتكلم وهتسالنى وصلت لفين
وهنتعاتب وهنتحاسب زنب بزنب حساب ملكين
وهتندم ع اللي انت عملتوه وهتبكيلى بدمع العين

وحيات دمع عنيه وقلبى اللى انت رميته فى جرح وويل
بكرة هتندم ع اللي عملته وبكرة هيبقى نهارك ليل
امتا هشوفك ادام عينى امتى هشوف الخوف فى عنيك
لازم تشرب ماللى شربته واشفى غليلى وافرح فيك
انا موش عايزك تنسى ملامحى علشان هقسى بجد عليك

وهنتقابل وهنتكلم وهتسالنى وصلت لفين
وهنتعاتب وهنتحاسب زنب بذنب حساب ملكين
وهتندم ع اللي انت عملتوه وهتبكيلى بدمع العين

بدعى من ربنا يديلك طولت العمر وشوفك تانى
واخد منك تارى وحقى وتطفى دموعاك نار احزانى
كل مل بنسى الى انت عملته جرحى بيصحى ويفكرنى
انا مش قادر اصبر قلبى على واحد شفته بيكسرنى
انت خيالك ادام عينى شيفه فى كل مكان محاصرنى

وهنتقابل وهنتكلم وهتسالنى وصلت لفين
وهنتعاتب وهنتحاسب زنب بزنب حساب ملكين
وهتندم ع اللي انت عملتوه وهتبكيلى بدمع العين

***
غناء .. أشرف الشريعي


اضغط هنا لتحميل الأغنية





مش باقي مني .. أحمد سعد


مش باقى مني
غير شوية ضي فى عينيا
انا حاديهوملك و امشي
بصبرى فى الملكوت
يمكن فى نورهم تلمحى خطوة
تفرق معاكي بين الحياة و الموت

مش باقى مني
غير شوية قوة فى إرادتي
حسبي عليهم و انتي بتخطي

مش باقى مني
غير شوية ضي فى عينيا
انا مش عايزهم
لو كنت يوم حألمحك و انتي بتوطي
فى معركة ما فيهاش و لا طايرات و لا جيش
و انتى فى طابور العيش
بتبوسي ايد الزمن ينولك لقمة
من حقك المشروع

مش باقى مني
غير شهقة فى نفس مقطوع
و انا صوتي مش مسموع
يا حلمنا الموجوع
من المرور ممنوع
مستني لما يمر موكب سلاطينك


و مش باقى مني
غير شوية كفر بشروقك
على شوية رحمة من طينك
على شوية صبر من دينك

مش باقى مني
غير شوية لحم فى كتافي
بلاش يتبعتروا فى البحر

مش باقى مني
غير شوية لحم فى كتافى
بلاش يتحرقوا فى قطر الصعيد فى العيد
بلاش لكلب الصيد تناوليهم
خدى اللى باقي من الأمل فيهم
و ابني لى من عضمهم فى كل حارة مقام
و زوريني مرة وحيدة لو كل ألفين عام
ألم الجراح يتلم

مش باقى مني
غير شوية دم
متلوثين بالهم
مرين و فيهم سم

مش باقى مني
غير شوية دم
مقدرش أسقيكى مواجعهم
و برضه ما قدرش أرميكى و أبعهم
يمكن فى مرة تطلبيني شهيد
حاحتاج يوميها الدم يمضي على شهادتي

***
كلمات .. جمال بخيت
غناء .. أحمد سعد

اضغط هنا لتحميل الأغنية


أزمة أخلاق .. حالياً بالأسواق


حاليا بالأسواق
كدب وغش وغدر وقسوة
وفيه ازمة اخلاق

حاليا بالأسواق
ناس يكفينا الشر بتجري
تقطع فى الارزاق

و الاحساس مبقاش له قيمة
والاخلاص بقى موضة قديمة

ولاد تسعة فى الشر بتسعى
ولفين رايحين محناش عارفين
ضايعين تايهين مجاريح مساكين
عايشين ومش عايشين
وجراح تجر جراح
قوليلنا يا دنيا فين الدواء ؟

عالم رايحة وعالم جاية
وعالم تايه فى وسط السوق
ونفوس والله ضايعة وضالة
ناس حريفة اكل حقوق

اللي يحبك علشان علة
و اللي كأنه مسكلك زلة
و اللي بيغدر ويا ساتر استر
لو كان رزقك على مخلوق

ولا الصاحب الى ملوش لزمة
الى يسيبك وقت الازمة
مهما اتهرب بكرة يجرب
مهو من نفس الكاس هيدوق

غيرة وجرح وظلم يا دنيا
ده اللى فى الأسواق

ناس بتخونك وتزيد جرحك
وبتفتحلك جرح قديم
و تخون عيشك و تخون ملحك
وانت معاهم كنت كريم

كنت فاكرهم والله ملايكة
لكن دول طلعو على الرايجة
يخطفوا حبك وتلاقي قلبك
مبقاش فيه ولا جزء سليم

تدى حنان يترد قساوة
تعمل خير يترد عداوة
ناس مش هما زي الغمة
منهم يا رحمن يا رحيم

غيرة وجرح وظلم يا دنيا
ده اللى فى الأسواق

ناس مخنوقة وناس متضايقة
وناس مش طايقة لبعض كلام
ناس مرتاحة وفايقة ورايقة
ناس تتحايل على الايام

ناس جواها الشر بيقوى
خلو الحب مجرد سلعة
عايز حب وشوق وموده
ممكن بس هتدفع كام

حتى الحب خلاص راح زمنه
بقى ليه سعر وكله بتمنه
تدفع اكترتتحب اكتر
والمسالة مش عايزة علام
غيرة وجرح وظلم يا دنيا
غيرة وجرح وظلم يا دنيا
ده اللى فى الأسواق

خلق بتسرق عمرك سرقة
و على القسوة ميتوصوش
خير تعمل شر تلقى
ناس بصراحة ميستهلوش

يخدوا حنانك ويزيدوا همك
عايزين بس يمصوا فى دمك
تفضل تدى وتدى وتدى
يفضلوا ياخدوا وميدوش

يدخلوا بيتك يكشفوا ساترك
يطلعو برا يجيبوا فى سيرتك
ضهرك ضهرك وشك وشك
دول على السر ميتأمنوش

غيرة وجرح وظلم يا دنيا
ده اللى فى الأسواق


احنا يا دنيا تعبنا يا دنيا
واتعذبنا شهور وسنين
ياما عاشرنا وعيشنا وشوفنا
بنى ادمين مش بنى ادمين

شوفنا الى بيتباهى بجهله
والى ملوش خير حتى فى اهله
والى بيحرم نفسوا يا دنيا
علشان يسعد ناس تانيين

والى محدش ابدا همه
والى بينكر لحمه ودمه
والى مزعل ف ابوه وامه
وعليه غضبوا ليوم الدين

غيرة وجرح وظلم يا دنيا
ده اللى فى الأسواق
**********
غناء .. طارق الشيخ

اضغط لتحميل الأغنية