أنا بحبك يا بلادي

يا بلادي با بلادي
أنا بحبك يا بلادي

قولوا لأمي متزعليش
وحياتي عندك متعيطيش

قولولها معلش يا أمي
أموت أموت و بلادنا تعيش

أمانة تبوسولي إيديها
و تسلمولي على بلادي

يا بلادي با بلادي
أنا بحبك يا بلادي

في جسمى نار و رصاص و حديد
علمك في إيدي و اسمي شهيد

بودع الدنيا و شايفك
يا مصر حلوة و لبسه جديد

لأخر نفس فيا بنادي
بموت و أنا بحب بلادي

يا بلادي با بلادي
أنا بحبك يا بلادي

طايرين ملايكة حواليا طير
لحظة فراقك يا حبيبتي غير

همشي معاهم و هسيبك
و أشوف يا مصر وشك بخير

قالولي يلا ع الجنة
قولتلهم الجنة بلادي

يا بلادي با بلادي
أنا بحبك يا بلادي
--------------
غناء .. رامى جمال وعزيز الشافعى

اضغط هنا لتحميل الأغنية

شهداء يناير

كنت فاكرة الارض ثابتة
والسنين متكررين
كنت فاكرة الجنة
ابعد من ايادى الطيبين

كنت بضحك قد ما اقدر
كنت شايفه الصورة اصغر
بعينيا الضيقين

فجأة هز الدنيا صوتكوا
والحياة رجعت بموتكوا
والسنة اتسمت يناير
شلتوا عن عينا الستاير
وانكشف عالم جميل

درس من قلب الميدان
للي خايف من زمان
عدتوا ترتيب المكان
واحنا ليكم مديونين
-----------

اضغط هنا لتحميل الأغنية

طول عمر ولادك يا بلدنا رجالة

-1-
رجالة و طول عمر ولادك يا بلدنا رجالة ،
و غلاوتك يا بلدنا و الله مش محتاجه قوالة ..
ابنك الاسمراني فارد على الشط قناديله
و المصري سكته محروسة بقرآنه و إنجيله ..
،،
من صوت التاريخ يا مصري تقدر تعرف ذاتك ..
وهبت للدنيا دنيا جديدة من نبض حياتك ..
وقت ما كان لسه العالم بيعيش تايه في الغابة ،
مصر كانت دولة و ليها راية ،
فوق أعلى سحابة ..
،،
سحابة و ندهت للشمس قومي طلي عالوادي ..
شوفي مصر الفراعنة في وادي ، و العالم في وادي ..
دا المصري في الوادي الأخضر كان سابق زمانه ..
يتمشي في مزارع قمحه و جناين رمانه ..
،،
زادك في القرية نشأك يا مصري في وسط عيلة
و الأرض الطيبة فرشتها و سماها ضُليلة ..
بتصادفك يا مصري شدايد لياليها طويلة ..
تهزمها بخطوتك الجاية في الأرض الأصيلة ..
،،
و أصيلة يا خطاوي ولادنا و تسلم الخطاوي ..
يا جاية من كفر بهية و الطرحة محلاوي ..
و بهية ياما جدي حكالنا عنها أنا و إخواتي ،
ياما خبزت و قالت له علِّم صبياني و بناتي ..
،،
بشراكِ يا أرض بلدنا المواكب حواليكي ..
سمعوكِ و قالولك جينا نبني و نزرع فيكِ ..
و الشعب اللي امبارح جاب النصر في أعظم صورة ..
بالعلم و بالحب أهو جالك بالخطوة المنصورة ..
،،
منصورة دايمًا يا بلدنا و البركة في شبابك ..
دا طريقهم عرفوه و منور بسم الله على بابك ..
يا ما شاء الله يا جدعان يا ما شاء الله و يا خمسة و خميسة ..
دي العيلة بتستنّى شبابها يزوّقوا العروسة
.

-2-
صوت بلادي ، بينادي بينادي
بيدوي عبر الأجيال
صوت حضارة ..
من يومها جبارة ،
ياما صنعت أبطال و رجال ..
صوت شعب ماشي آلاف السنين ..
كل خطوة منه بكفاح ملايين ،
أمجاده كتبها بحياته و مصر حياتها خطى المخلصين ..
عيش حياتك ، بس ابحث عن ذاتك ..
يا مصري و شوف عمرها كام ..
شوف جدودك ، من لحظة وجودك ..
شعلة عزم و خير و سلام ..
صوت شعب مصري و أعظم ما فيه ..
أي أخ عربي يعوزه يلاقيه ..
أمجاده كتبها بحياته و مصر حياتها خطى المخلصين ..

--------------
كلمات .. حسين السيد
آلحان .. محمد عبد الوهاب
يغنيها حسب الظهور
محمد الحلو
سوزان عطيه
توفيق فريد
زينب يونس
محمد ثروت
ايمان الطوخي

يا حبايب مصر

يا أغلى اسم في الوجود
يا مصر
يا اسم مخلوق للخلود
يا مصر

نعيش لمصر و نموت لمصر
مصر مصر تحيا مصر

يا بلادي يا أحلى البلاد
يا بلاد
بنادي يا بلادي
أنا و الولاد يا بلادي

يا حبيبتي يا مصر يا مصر

حلوة بلادي السمرة بلادي
الحرة بلادي السمرة بلادي

و أنا على الربابة بغني
مملكش غير إني أغني و أقول
تعيشي يا مصر

و أنا على الربابة بغني
مملكش غير كلمة أمل للجنود
أمل للنصر يا مصر
تعيشي يا مصر

متقولش أيه إدتنا مصر
قول هندي أيه لمصر
يا حبايب مصر

اضغط هنا لتحميل الأغنية

إزاي ؟

إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع

ازاي انا رافع راسك
وانتي بتحني في راسي ازاي
انا اقدم شارع فيكى
وامالك من اللى ماليكى
انا طفل اتعلق بيكى
فى نص السكه وتوهتيه
انا لو عاشقك متخير
كان قلبى زمانه اتغير
وحياتك لفضل اغير فيكى لحد مترضى عليه

إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع
ازاي انا رافع راسك
وانتي بتحني في راسي ازاي

ازاى سايبانى بضعفى
طب ليه مش واقفه فى صفى
وانا عشت حياتى بحالها عشان ملمحش فى عينك خوف
وفى بحرك ولا فى برك ازاى احميلك ضهرك
وانا ضهرى فى اخر الليل دايما بيبات محنى ومكشوف

انا اقدم شارع فيكى
وامالك من اللى ماليكى
انا طفل اتعلق بيكى
فى نص السكه وتوهتيه
انا لو عاشقك متخير
كان قلبى زمانه اتغير
وحياتك لفضل اغير فيكى لحد مترضى عليه

إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع
ازاي انا رافع راسك
وانتي بتحني في راسي ازاي
-------------
كلمات .. نصر الدين ناجي
ألحان وتوزيع .. أحمد فرحات
غناء .. محمد منير

اضغط هنا لتحميل الأغنية

مصر تتحدث عن نفسها

وقف الخلق ينظرون جميعا
كيف أبني قواعد المجد وحدي

وبناة الأهرام في سالف الدهر
كفوني الكلام عند التحدي

أنا تاج العلاء في مفرق الشرق
ودراته فرائد عقدي

إن مجدي في الأوليات عريق
من له مثل أولياتي ومجدي

أنا إن قدر الإله مماتي

لا ترى الشرق يرفع الرأس بعدي

ما رماني رام وراح سليماً
من قديم عناية الله جندي

كم بغت دولة عليّ وجارت
ثم زالت وتلك عقبى التحدي

إنني حرة كسرت قيودي
رغم أنف العدا وقطعت قيدي

أتراني وقد طويت حياتي
في مراس لم أبلغ اليوم رشدي

أمن العدل أنهم يريدون الماء
صفوا وأن يكدر وردي

أمن الحق أنهم يطلقون الأسد
منهم وأن تقيد أسدي

نظر الله لي فارشد أبنائي

فشدوا إلى العلا أي شد

إنما الحق قوة من قوى الديان
أمضي من كل أبيض وهندي

قد وعدت العلا بكل أبي
من رجالي فانجزوا اليوم وعدي

وارفعوا دولتي على العلم والأخلاق
فالعلم وحده ليس يجدي

نحن نجتاز موقفاً تعثر الآراء

فيه وعسرة الرأي تردى

فقفوا فيه وقفة حزم

وارسوا جانبيه بعزمة المستعد

---------------
كلمات .. شاعر النيل / حافظ إبراهيم
غناء .. كوكب الشرق / أم كلثوم

اضغط هنا لتحميل الأغنية