ضحكة المساجين

تغازل العصافير قضبانها
زنزانة لجلك كارهه سجانها
دوق زينا حلاوة الزنازين
على برشها بتمد اطرافك
سجانك المحتار فى اوصافك
مهما اجتهد ما هيعرف انت مين

طوبى لكل المسجونين باطل
فى زمن بيخدنا وبيماطل
يا شموس بتبرق فى غرف عميين
أما اللى خان ناسك وأوطانى
من الهيبة حاطينه فى قفص تانى
يصحى وينعس والجميع واقفين

ومصر عارفة وشايفه وبتصبر
لكنها فى خطفة زمن .. تعبر
وتسترد الإسم والعناوين

يا دى الميزان اللى طلعت لفوق
بينزلوك بالعافية أو بالذوق
دول مش بتوع الصدق فى الموازين
الثورة نور واللى طفاها خبيث
يرقص مابين شهدا وبين محابيس
والدم لسه مغرق الميادين

الحزن طايح فى قلوبنا بجد
مافضلش غير الشوك فى شجر الورد
غلط الربيع ودخل فى أغبى كمين
وفى انتظار تيأس مع الأيام
غيرك فى قفصه بيضربوله سلام
وانت الجزم قبل الكفوف جاهزين

ومصر عارفة وشايفه وبتصبر
لكنها فى خطفة زمن .. تعبر
وتسترد الإسم والعناوين

يا عم اقعد بس واشرب شاى
الدنيا ماشيه وشعبنا نساى
والبركة فى الشاشة وفى الجرانين
وإذا هوهووا قوم إعلن الأحكام
وكل بق تلجمه بلجام
ومش هاتغلب تطبخ القوانين

يا مصر هدى وانتى بتفوتى
الصوت فى صمته أعلى من صوتى
أدى السجين اللى مابتش حزين
واللى يقف فى وش ثوارها
ماهايورث الا ذلها وعارها
واللى هايفضل ضحكة المساجين

ومصر عارفة وشايفه وبتصبر
لكنها فى خطفة زمن .. تعبر
وتسترد الإسم والعناوين
----------------
كلمات الشاعر الوطنى الكبير : عبدالرحمن الأبنودى
ألحان الرائع : فاروق الشرنوبى
غناء المطرب الرائع : على الحجار
الأغنية إهداء لكل شهداء مصر وثوارها

فهموني ليه

فهمونى ليه
نهاية كل قصة شوق جميلة
قلب مكسور من الجراح

ليه الفرح ثانية
والعذاب لياليه طويلة
واللى جاى مش قد اللى راح

عشقنا وهوينا
تعبنا ورضينا
سهرنا الليالى ياما مع دمعنا
زى ما روحنا
زى ما جينا
رجعنا يا ويلى تانى مع حزننا

وأدينا سنين للشوق رايحين
و حلمنا يا شوق ننسى عذابنا
تعبنا كثير و حلمنا كثير
ورجعنا بنار تملا قلوبنا

بنحب ليه وبندى ليه من قلبنا
واخدنا ليه من وقت ضاع من عمرنا
--------------
غناء .. الفنانة وردة

هذه الأغنية مهداه لذكرى اللقاء الأول

اضغط هنا لتحميل الأغنية