ماشية في بحر الحياة

ماشية في بحر الحياة
بحلم الاقي الشط
و اشوف ارض النجاة
من بعد زي الخط

من يوم ما خدني بحر الحياة
ملقتش مرسي
كل حكاياتي تبدأ بفرحة
تقلب بكارثة

و لا عمري يوم
تكملي ليه
انا اي فرصة ؟؟

طول عمري انا ف الدنيا دي
عايشة يادوب علي الحرف
و الستر توب و انا كنت فيه
متشعلقة من الطرف

لعبت بيا الايام
و اللعبة مدروسة
و لقيت حياتي أوام
صورة و معكوسة

و سنين كتير ادام كتير
ف التوهة محبوسة

من يوم ما خدني بحر الحياة
ملقتش مرسي
كل حكاياتي تبدأ بفرحة
تقلب بكارثة

و لا عمري يوم
تكملي ليه
انا اي فرصة ؟؟


اضغط هنا لتحميل الأغنية

عم بطاطا

عم بطاطا لذيذ و معسل
عمره ما طاطا لغير الله
لما الدنيا بتقسى يمثل
إنه خلاص سلّم لقضاه

عم بطاطا يقول الراوي :
خبّى الحكمة في توب الحاوي
ينفخ ناره عشان إفطاره
و بنكتته بيداوي بلاوي

عم بطاطا بيمشي في حاله
علشان رزقه و رزق عياله
غصبّن عنه يقف يتكتّف
بس بكيفه يفك حباله
آه .... يفك حباله

عم بطاطا يزُك الزكّة
يُعبر سينا و يفتح عكا
و بيصبر ع الجار السّو
خمسين سنة ويقول دول فكة

اضغط هنا لتحميل الأغنية

كلمني أسمعلك

تعال على نفسك شوية
وإسال عليا
وان كنت زعلتك في حاجة
انساها ليا
متغبش يوم عني
متشلش يوم مني
فهمني غلطي وقولي
بس عملت ايه

تعال شوف بعنيك في بعدك ايه بيجرا
بموت بدل المرة في اليوم ألف مرة
حاسه اني مش عايشة
وبجد ليك وحشة
أيامي وانت بعيد عشتها من دونك

كلمني اسمعلك
اندهلي ارجعلك
تجرحني مش خايفة
ده أنا خايفة على زعلك
لو خدتني بذنبي
وتقسى على قلبي
ده قسوتك أحن من بعدك عليا

بهرب أنا من الناس
وأخبى دموعي فيا
مش عايزة حد يشوفنى
يتصعب عليا
الوقت أهو بيجري
أرجع علشان خاطرى
واللي غلطت فيّا ايه تسامحنى فيه


اضغط هنا لتحميل الأغنية

ملعون

ملعون م الساس للراس
ملعون مين يظلم الناس

ومين قبل انه ينساس للظلم
مطعون ومنداس

ولابد من يوم معلوم
تترد فيه المظالم
ابيض علي كل مظلوم
واسود علي كل ظالم

----------
كلمات .. سيد حجاب
الحان .. عمر خيرت
غناء .. على الحجار

اضغط هنا لتحميل الأغنية

عصير الثورة

قالوا عنى شاب سيس لا أعرف غير التهييس ,,
وثقافة عمرى تتلخص فى شات الياهو والفيس ,,
بنطالى يسقط عن وسطى شبرين كـ شاب خنفيس ,,
وأقول الـ Hey وأتبعها بالـ Thanks أو Man أو Peace ,,
وأتفتف فى شعرى جلاً او بالتوكة والدبابيس ,,
اتقبل منك السب وأقبل قولك انى سيس ,,
فبـ صرخة شاب سيس ,,
سقط نظااااامـ ورئيس !

ومحطة إعلام الـ كاكى رخصتهمـ كانت ملاكى ,,
قبل الثورة اخترناه وبايعناه .. بعد الثورة غنوا لولاكى ,,
يوماً قلبت التلفاز لمحطة اعلام الكاكى ,,
لأتابع اخبار الثورة بعد ان افتعلت ارباكى ,,
قالت مذيعة بلهجة سريعة ,,
معنا مسئول كبير ليناقش امر التحرير ,,
أوجدنا حلاً لنقلل عدد المحتشدين على الميدان ,,
قطع الماء وقطع النور وقطع الفول .. مع إلغاء النت وشبكات المحمول ,,
ولنقضى على المليونية .. اوجدنا حلاً وبسرعة ,,
وبدون نقاش وجدال .. قد الغينا يوم الجمعة ,,
كى نهدأ برهه وننام .. خلى الأسبوع ست أيام ,,
ولأثبت للعالم إنى اهتم بدينى للأبدى ,,
فـ صلاة الجمعة يا ولدى كمؤازرة سنصليها مع اخوتنا يوم الاحد ,,

ميرسى .. ميرسى يا فندم ,,
معنا شاب شرير .. من ميدان التحرير ,,

يا ناس انام على الأرض .. والجسم من البرد يكاكى ,,
والمعدة صارت خاوية .. كالصحراء بلا أشواك ,,
لا تشكو من هضم حتى .. من اسهال او امساك ,,
والإعلام يقول بأنا نلهط وجبات الكنتاكى ,,

يا مصر انا لم يأخذنى للثورة حبك ألاكى ,,
يا مصر انا لم يأخذنى للثورة حبك ألاكــ !!

عذراً إنقطع الإرسال ,,
جائتنا إنباء مهمة ,,
حذروا فزروا ؟!!!
صــــــــــح ,,
نــجــحــت الـثـووورة ,,
نجحت ثورتنا يا عاالمـ ,,
نــجــحــت ثـووورتـنـا ,,

ماذا ستقول يا فندم ؟!!
مبروك للشعب ولينا .. فاليوم فهمنا الحرية ,,
مبروك لشباب ناضل .. من أجل الديمقراطية ,,
كنا دوماً معهمـ فيها .. والله الأدرى بالنية ,,

عذراً لحظات ونواصل .. بعد فواصل إعلانيه ,,

لو شاكك او عندك خوووف .. قلقان من ضربة مولتوف ,,
لو خايف من غزة مطواة .. هتجليك منهم على سهوة ,,
لو عايز تتحلى بصحة .. لا تخاف على صوتك من ضحى ,,
ولا تهرب من اى مناورة .. خد لك بق عصير الثورة ,,

عصير الثورة ..
الشــعــب يــريــد طــعــمـ الــبــرتــقــال ,,
يا معشر تجار الثورة .. لم يبقى مكان لغبى ,,
احترموا ثورتنا كانت .. تشبه معجزة لنبى ,,
احترموا الثورة واحترموا .. شهداء الوطن العربى ,,

لوحدك حبيبي

لوحدك حبيبي لوحدك
هتفضل في قلبي لوحدك
ومهما بتعمل فيا
ومهما الدنيا بتخدك

معاك وانت غايب عني
معاك وانت زعلان مني
معاك حتي وانت ظالمني

وديما معاك
القلب اللي بيدوبني
والحب اللي هيتوبني
والوقت اللي بيعذبني
وانا مستنياك

عشانك حبيبي عشانك
انا عايشه وبس عشانك
دي متبقاش حياة من غيرك
مفيش في الوجود ده مكانك

معاك وانت غايب عني
معاك وانت زعلان مني
معاك حتي وانت ظالمني

وديما معاك
القلب اللي بيدوبني
والحب اللي هيتوبني
والوقت اللي بيعذبني
وانا مستنياك

اضغط هنا لتحميل الأغنية