أه يا دنيا

أه يا دنيا .. أه يا دنيا
الدنيا دي بتحترم بس اللي عنده فلوس
أما اللي يحتاجلها بتذل فيه و تدوس
أصل الحياة مدرسة يا ما خدنا فيها دروس
والدنيا حالها كدة ماشيالنا بالمعكوس

لفي بينا يا دنيا دوخينا يا دنيا
خدينا شمال شوية هاتينا يمين شوية
أدينا ساكتين يا دنيا
لفي بينا يا دنيا مرجحينا يا دنيا
ضحكتلنا ماشي ضحكتي علينا ماشي
أدينا عايشين يا دنيا

متوهانا ومغلبانا
وموريانا الذل فيكي
تعبنا يابا علشان غلابة
مترحمينا حرام عليكي

نازلة طحن يا دنيا فينا
وليل نهار بتلطشي
نفسي تدي بدل ما تخدي
ومن ايدينا تنتشي
مظلموين كده عيني عينك
وانتى كشفة علينا وشك
دا انتي زودتيها خالص
عيب عليكي بقى اختشي
كل يوم بتلعبي فينا
وبتجرحينا و بافترى
دا انتى حتى ممشيانا
بالقلم والمسطرة
كل ما بتضبط معانا
ونمشي قدام خطوتين
تقفلي و ترجعينا
ألف خطوة بقى لورا

متوهانا ومغلبانا
وموريانا الذل فيكي
تعبنا يابا علشان غلابة
مترحمينا حرام عليكي

لفي بينا يا دنيا دوخينا يا دنيا
خدينا شمال شوية هاتينا يمين شوية
أدينا عايشين يا دنيا .

غناء .. بوسي
من فيلم .. الألماني

اضغط هنا لتحمل الأغنية

فيلم بنتين من مصر

بنتين من مصر فيلم اجتماعي سياسي مصري تم إنتاجه عام 2010 من بطولة زينة وصبا مبارك .
يحكي قصة كفاح فتاتين تواجهان مشكلة تأخر الزواج عدة في إطار دراماتيكي مشوق حيث يناقش الفيلم قضايا نسائية في اطار المجتمع الذي يعاني من الكبت والقهر السياسي التي كانت تعاني منه مصر قبل ثورة 25 يناير وانتشار المشاكل الاجتماعية والمادية. يعتبر الفيلم هو ثالث محمد امين بعد فيلم ثقافي وليلة سقوط بغداد والتي تتسم بالكوميديا السوداء.

عاشق سارح في الملكوت

عاشق سارح بالملكوت
ميهموش العمر يفوت
يدفع فى الحرية حياته
ولو اتكتف للحظة يموت

قلبه بيبرق زى الماس
ولا يملك غير الاحساس
غرقان فى جروحه والامه
وبيداوى فى جروح الناس

بايع قلبه للى يحبه
ومعندوش للحب شروط

طير فى السما وملوش عنوان
وفى ايديه خاتم سليمان
كان عايز بالضحكه يغير
ويدوب كل الاحزان

عاش الحلم كانه حقيقه
وافتكر ان الدنيا بريئه
من طيبته سلم لحبيبته
وحببته بتبيع فى دقيقه

فوق واتحرر من اوهامك
العمر بيخلص قدامك
الطير مش هيطير فى جهنم
ومافيش سمكه بتعشق حوت
-------------
غناء : ريهام عبد الحكيم
تتر مسلسل .. خاتم سليمان

اضغط هنا لتحميل الأغنية

بنلف في دواير

بنلف فى دواير
و الدنيا تلف بينا
دايما بننتهى
لمطرح ما ابتدينا
طيور الفجر
تايهة فى عتمة المدينة
بتدور

ما بنكتبش الرسايل
ما بنتظرش رد
لا حد فى يوم سمعنا
و لا بنسمع حد
طيور العمر تايهة
فى عتمة المدينة
بتدور

ساكنين فى عالم يعشق الخطر
فيه الطيور تهرب من الشجر
و تهرب النجوم من القمر
و تهرب الوجوه من الصور

بنلف فى دواير
ندور على الأمان
و نلائينا رجعنا
تانى لنفس المكان
ندور ندور ندور

نحلم و نحلم بالحياة المفرحة
و اتارى احلامنا بلا اجنحة
بلا اجنحة
ندور ندور ندور
بجناح حزين مكسور
ساعات نشوف فى العتمة
و ساعات نتوه فى النور
ساعات عيونا بالاسى تفرح
وساعات فى ساعة الفرح منوحه

ولا حاضر ولا ماضى
تروس بتلف على الفاضى
ولا فينا شباب زعلان
ولا فينا شباب راضى
ما فيش غير اننا
بندور
ندور
ندور
----------------
كلمات : الشاعر الكبير عبد الرحمن الابنودى
غتاءالمطرب : مروان خورى

اضغط هنا لتحميل الأغنية