عم بطاطا

عم بطاطا لذيذ و معسل
عمره ما طاطا لغير الله
لما الدنيا بتقسى يمثل
إنه خلاص سلّم لقضاه

عم بطاطا يقول الراوي :
خبّى الحكمة في توب الحاوي
ينفخ ناره عشان إفطاره
و بنكتته بيداوي بلاوي

عم بطاطا بيمشي في حاله
علشان رزقه و رزق عياله
غصبّن عنه يقف يتكتّف
بس بكيفه يفك حباله
آه .... يفك حباله

عم بطاطا يزُك الزكّة
يُعبر سينا و يفتح عكا
و بيصبر ع الجار السّو
خمسين سنة ويقول دول فكة

اضغط هنا لتحميل الأغنية