25 March 2011

عمري ما أسيبك


عمرى ما اسيبك
زد فى لهيبك
مش فارقه معايا
عاشقاك انت
حتى لو انت
جاى عكس هوايا

والله ياخد بيدى
وانا قلبى مش بيدى

نار حبك لو تكوينى
لو نارك صحت عينى
انا روحى فداك
عمرى ما هنساك
لو تقسى عليا سنينى

بحبك

نسيتنى الناس و الدنيا
و كأني واحدة تانية
عشقاك علطول و البال مشغول
و أنا جنبك ثانية بثانية

بحبك

-------
مهداه إلى .. فضل السماء


اضغط هنا لتحميل الأغنية

يا ريت تعود


عود .. الفجر لسه بيبتسم بين دمعتين
عود .. الفرح ممكن يتقسم على شفتين

عود .. الوهم مات
و الذكريات قالت لحبك بالوجود
يا ريت تعود

احنا زمان كنا الزمان
كنا الهوا من غير هوان
كنا الأمان من غير حدود

عمرى اللي راح سماح سماح
يا حب أكبر من الجراح

رجعك عبيرك للوجود

عود .. الفجر لسه بيبتسم بين دمعتين
عود .. الفرح ممكن يتقسم على شفتين

عود .. الوهم مات
و الذكريات قالت لحبك بالوجود
يا ريت تعود


اضغط هنا لتحميل الأغنية

20 March 2011

النظرة الأولي


أنا أنا أنا م النظرة الأولي
شفت الدنيا بلون الورد
ولقيتني بحبك مشغولة
وأنا قبلك معشقتش حد
 
إيه غيرني وغير شكل الكون ف عنيا
إيه غير حبك يقدر يملي الدنيا عليا  

هي النظرة الأولي إنما
قالت كل اللي انا حاساه
 
وأنت كلامك كان همهمة
بس سكوتك انا سامعاه
 ايدي ف ايدك مين زينا
واحد بعد ماكنا اتنين
ياما حلمنا وبقا حلمنا
اغلي حقيقة ما بين قلبين
إيه غيرني وغير شكل الكون ف عنيا
إيه غير حبك يقدر يملي الدنيا عليا  
 

15 March 2011

يا بت ياللي حمامك طار


يا بت يا اللي حمامك طار
قومي اعميلي له بنية
عملتهاله سبع تدوار
شبابيكها كلها بحرية
رفرف و لا حط عليا .

عملت له قصر بعمدان
عمود دهب و عمود مرجان
و حناني كان جنة و بستان
و الدنيا كانت وردية
و أهو راح و فاتني لوحدية

قلبي محبة و سماحة
و حبي شجرة طراحة
شلته على كفوف الراحة
داق الهنا و الحنية
و أهو راح و فاتني لوحدية

ليه بس لاف على غيري و راح
وفاتلي قلبي دموع و جراح
من يومها ليل ما بانله صباح
و لا شفت راحة يا عنية
و أهو راح و فاتني لوحدية


اضغط هنا لتحميل الأغنية


12 March 2011

هنا القاهرة


هنا القاهرة وحبيبي أنا
ده منين ما يروح بيكون جنبي
مشاني ع النيل وكلامه جميل
خد روحي معاه وكمان قلبي

يا سلام على واحد درة مشوي
والنسمة اللي بتلعب بينا
مش هيخسر قبل ما نمشي
كوباية شاي في الخمسينة

هنا القاهرة والناس الطيبة حوالينا

هنا القاهرة وحبيبي أنا
و بدوب وبموت أنا في شهامته
له طلة يا ناس وعليه احساس
ده الحب معاه اتعلمته

يا سلام على واحد درة مشوي
والنسمة اللي بتلعب بينا
مش هيخسر قبل ما نمشي
كوباية شاي في الخمسينة

هنا القاهرة والناس الطيبة حوالينا
------------------

اضغط هنا لتحميل الأغنية