أمل حياتي

أمل حياتي يا حب غالي ما ينتهيش
يا احلى غنوة سمعها قلبي ولا تتنسيش
خذ عمري كله بس النهاردة خليني اعيش
خليني جنبك ... في حضن قلبك
وسيبني احلم يا ريت زماني ما يصحنيش

أملي .. حياتي .. عينيه
يا اغلي مني عليا
يا حبيب امبارح وحبيب دلوقتي
يا حبيبي لبكره ولأخر وقتي
احكي لي قوللي ايه م الاماني
ناقصني تاني وانا بين اديك

عمري ما دقت حنان في حياتي زي حنانك
ولا حبيت ياحبيبي حياتي الا عشانك

وقابلت أمالي وقابلت الدنيا وقابلت الحب
اول ما قابلتك واديتك قلبي يا حياة القلب

اكثر م الفرح ده ما احلمش اكثر م اللي انا فيه ما اطلبش
بعد هنايا معاك ياحبيبي لو راح عمري انا ماندمش

****

وكفايه أصحى على ابتسامتك بتقولي عيش
اسمعها غنوة تقول لحبي ماينتهيش
خليني جنبك خليني في حضن قلبك
وسبني احلم ياريت زماني ما يصحنيش

ياللي حبك خلا كل الدنيا حب
ياللي قربك صحى عمر وصحى قلب

وانت معايا يصعب عليا رمشة عينيا ولا حتي ثانية
يصعب عليه ليغيب جمالك ويغيب دلالك ولو شوية
قد كده مشتاق اليك قد كده ملهوف عليك

نفسي انده لك بكلمة ما تقالتش لحد تاني
كلمه قد هواك ده كله قد اشواقي وحناني
كلمة زيك واللي زيك فين
ده انت زيك ما اتخلقش اتنين

وكفاية اصحى على ابتسامتك بتقوللي عيش
اسمعها غنوة تقول لحبي ما ينتهيش
خليني جنبك ف حضن قلبك
وسيبني احلم يا ريت زماني ما يصحنيش

****

يا حبيبي مهما طال عمري معاك برضه ايامه قليلة
دي السعادة والحنان في هواك ما يقضيهاش اجيال طويلة
حبك يا حبيبي ملا قلبي وفكري
بينور ليلي ويطول عمري
بيزيد ... بيزيد فى غلاوته دايما بيزيد
وتملي جديد فى حلاوته وتمللي جديد

انت خلتني اعيش الحب وياك الف حب
كل نظرة اليك بحبك من جديد و افضل احب
انا حبيت فى عينك الدنيا كل الدنيا حتى عوازلي او حسادي
كل الناس حلوين في عينه حلوين
( عندها تنهمر دموع )
طول ما عنيه شايفه الدنيا وانت قصادي

وانام واصحى على شفايفك بتقوللي عيش
اسمعها غنوه تقول لحبي ما تنتهيش
خليني جنبك في حضن قلبك
وسيبني احلم ياريت زماني ما يصحنيش

****

تأليف ..احمد شفيق كامل
الحان .. محمد عبدالوهاب
غناء .. السيدة أم كلثوم