البيوت أسرار

القلوب زي البيوت
والبيوت أسرار
بيت تحس بحضنه دافي
بيت كأنه قلب جافي
بيت نلاقى فيه سكنا
بيت بجدرانه سجنا
بيت صغير بس جنه
بيت بشكله يا ناس فتنا
جوا منه قايدة نار

البيوت زي القلوب
ليها نبض وفيها روح
مش مجرد رص طوب
ده كل قالب فوق جروح

متحولش تكتشفها
أو تزيح عنها الستار
سيبها متقلبش فيها
دا الرماد بيغطي نار

إوعى تاخد بالمظاهر
حتى لو شوفت الستان
زي طير بجناحه طاير
م السعادة والسرور

دى البيوت عليها زينه
جوه منها قلوب حزينه
والى فيها بعيد عليك
كل نار على البعد نور

كل بيت جواه همومه
ليه يا ناس ع الناس تلوموا
على اللي بيدارى فى هدومه
جرح نايم من سنين

كل واحد له عيوبه
كله دايب من زنوبه
ليه نقطع ليه فى توبوه
والبرئ من الذنب مين

دى القلوب مليانه ياما
من الهموم يلا السلامه
ليه نداريها بإبتسامه
طعمها يدى ف مرار

دى البيوت أسرار خفيه
عن عيونا متداريه
و اللي ايده يا ناس فى ميه
يعذر الى اديه فى نار

فيه بيوت مقفول بيبانها
بس برحه عن مكانها
ليها ريحه من حنانها
تلمس القلب الحنون

في بيوت مفتوحه لكن
الشيطان جواها ساكن
والقلوب زي المساكن
والشبابيك العيون

متحولش تكتشفها
او تزيح عن الستار
سيبها متقلبش فيه
دا الرماد بيغطي نار
---------------
غناء .. سيد الشيخ


اضغط هنا لتحميل الأغنية