02 October 2010

خد بالك من نفسك


خد بالك من نفسك خد بالك من بكره
إوعي الايام تاخدك وتلاقي نفسك ذكري

اللي يفوتك فوته واللي يشوطك شوطه
واللي يطقوا يموتوا إيه يعني اللي هيجري
خد بالك من نفسك لا تلاقي نفسك ذكري

خد بالك دي الدنيا بتحب اللي يطبطب
مش عايزة اللي بيزعل ولا عايزة اللي بيغضب
دلعها وهننها وإن قفلت حننها
وإديها وخد منها إتعلم خد فكرة

اللي يفوتك فوته واللي يشوطك شوطه
واللي يطقوا يموتوا إيه يعني اللي هيجري
خد بالك من نفسك لا تلاقي نفسك ذكري


خد بالك من قلبك إياك يهرب منك
لو مال هتلاقي شكلك بقي أكبر من سنك
ليه تزعل وتفكر ما هي رحله مش أكتر
يوم مر ويوم سكر و أديك بتزيد خبرة

اللي يفوتك فوته واللي يشوطك شوطه
واللي يطقوا يموتوا إيه يعني اللي هيجري
خد بالك من نفسك لا تلاقي نفسك ذكري
******
غناء .. سيد الشيخ

اضغط هنا لتحميل الأغنية